Orain dela 20 urte sortu zen Ikas eta Ari (IKA), Nafarroan eta Araban helduen euskalduntze-alfabetatzean lehenagotik lanean ari ziren hainbat euskaltegiren koordinakunde gisa. 1989tik hona egindako lana handia izan da eta emandako “fruituak” askotan oso pozgarriak.
Ongi etorri, beraz, IKAren XX. urteurrena gurekin ospatu nahi duzuen guztioi: ikasle, ikasle-ohi, lagun eta irakasle zaituztegun guztioi.
Halaxe da, bai, duela 20 urte sortu genuen IKA (Ikas eta Ari), eta egia esan, izena jartzean bertan izan genuen konturen bat edo beste: jendeak IKA izena gogoko bazuen ere (laburra eta ikasterraza), Ikas eta Arik ez omen zuen indarrik; beste batzuek IKAk “H”-rekin behar zuela zioten, horrela, hurbiltasunean, eta beste hainbat kontutan hobetzen baitzuen izena.
gehiago irakurri
Arabako Campuseko Errektoreordetzak Babestua
IKA euskaltegiak, urtero ohi duen bezala, Euskara Irakasle Izateko Ikastaroa antolatuko du. Iaz bezala, aurten ere EHUko Arabako Campuseko Errektoreordetzak babestuko du, eta, ondorioz, ikastaroari heltzen dioten ikasle guztiek baliatu ahal izango dute aukera askeko kredituak amortizatzeko, zer titulaziotan dauden matrikulaturik kontuan hartu gabe.
gehiago irakurri
